Колысочка – часопис про русиньскы дїти – предшколского і школского віку


Mapa skol rusinskeho jazyka
Вырїшили сьме выдавати часопис – про забаву і поучіня, котрый бы мав доповнити навчаня русиньского языка у Вашых школках і школах. Будеме рады, кідь нам поможете творити часопис Колысочка Вашыма словесныма творами і рисунками, а мы перед Вас будеме передступляти творами нашых вызнамных русиньскых писателїв і писателёк, поетів і поеток. Думам собі, же взаємно ся нам подарить вытворити часопис нелем про забаву, но і про розвиток Вашой творивости і фантазії. Тримайме собі палцї, жебы сьме выкрочіли тов справнов ногов по дразї сотворїня інтересного дїтьского і школярьского часопису Колысочка. Сторінками нашого часопису вас буде од першого чісла спроваджати малый звіздный хлопчік Колысайко, котрый ся зродив в снї єдного з вас – школяря Янка з Меджілаборець. І так мож повісти, Колысайко пришов iд нам із планеты Сон.  Янко з Меджілаборець ся зачав учіти на своїй основній школї русиньскый язык і пришло му жаль, же русиньскы дїти не мають свій дїтьскый часопис. І так люде на планетї Сон вырїшили послати на планету Земля до країны званой Словакія свого амбасадора – высланця Колысайка. Задачов Колысайка буде перевести Вac світом природы і людьского світа, наприклад світом наукы, історії і далшых інтересных областей нашого сполоченьского жывота. Віриме, же з ним зажыєте вєдно много шумных і хосенных хвіль, при котрых Вам буде добрым сполочником. Вітайте в нашім часописї Колысочка.

Mapa skol rusinskeho jazyka

Агойтє, мілы нашы камаратя!

Мілы нашы камаратя, приближыли ся найкрасшы святкы рока, Рождественны, або і по нашому Рістяны ці Різдвяны свята. Знам, же ся на тотысвяткы барз тїшите і сьте зведавы, якыдарункы собі найдете під ялічков. Зима зачала у нас на выходній Словакіїпрекрасно, нападало много снїгу і Вы собі можете поставити і снїгуляка –у вас на дворї, або коло бiтовкы ці колошколы. Зато сьме вырїшили, же в днешнїм чіслї будете матиглядати і зраховати в цїлім часописї снїгуячіків, котрых провас намалёвала наша ілустраторка. Кедь собі добрї прочітаєтецїлый часопис, можете ся дізнати, кільео снїгуляків Колысайко в днешнїм чіслї сховав про Вас. Правилну одповідь собі сконтролюйтев рїшіню на послїднїй сторінцї часопису. Тот, хто не нашоввшыткых снїгуляків, няй ся верне назад на першу сторінкуі іщі раз собі їх перерахує.

 Kolysocka -č.10

KLIKNI NA OBÁLKU A ČÍTAJ:
STIAHNI TU: Kolysočka č.10


Mapa skol rusinskeho jazyka

Агойтє, мілы нашы камаратя!

В днешнїм чіслї будете мати глядати і зраховати в цїлім часописї дарункы, котры носить слухняным дїтём святый Миколай. Подля ґреґоріаньского календаря є то 6-го децембра і подля юліаньского календаря є то пізнїше о 13 днїв, то значіть 19-го децембра. Кедь собі добрї прочітаєте цїлый часопис, можете ся дізнати, кілько дарунків в днешнїм чіслї Колысайко сховав про Вас. Правилну одповідь собі сконтролюйте в рїшіню на послїднїй сторінцї часопису. Тот, хто не нашов вшыткы дарункы, няй ся верне назад на першу сторінку і іщі раз собі їх перерахує.

Kolysocka č.9

KLIKNI NA OBÁLKU A ČÍTAJ:
STIAHNI TU: Kolysočka č.9


Mapa skol rusinskeho jazyka

Агойтє, мілы нашы камаратя!
Мілы нашы камаратя, якось ся Вам не хоче комуніковати з нашым часописом.
А мы так чекаєме на Ваше докінчіня приповідок, вырїшіня задач і припомінок
ку тому, што бы сьте собі іщі хотїли найти в нашім часописї.

В днешнїм чіслї будете мати глядати і зраховати в цїлім часописї бобрункы, котры про вас до актуалного чісла Колысочкы намалёвала наша ілустраторка, панї Евка Ілковічова. Кідь собі добрї прочітаєте цїлый часопис, можете ся дізнати,кілько бобрунок там є. Правилну одповідь собі сконтролюйте з рїшінём на послїднїй сторінцї часопису. Тот, хто не нашов вшыткы бобрункы, няй ся верне назад на першу сторінку і іщі раз собі їх перерахує.

Kolysocka č.8

KLIKNI NA OBÁLKU A ČÍTAJ:
STIAHNI TU:  Kolysočka č.8


Mapa skol rusinskeho jazyka

Агойтє, мілы нашы камаратя!

Вакації ся скінчіли і вы, камаратя нашы, зачінаєте школьскый рік – вшколї або в школцї. Того школьского року про нас, про Русинів ся стала важнаріч – в Кленовій ся основна школаз матерьсков школов перемінила нашколу з навчалным языком русиньскым. В Калній Розтоцї і в Кленовій взникли нашы русиньскы школы лем про затятость, цїленаправленость і велику любов ку свому народу з боку панї директоркы Марцелы Руняниновой. Вдяка їй за тото велике дїло.

В днешнїм чіслї будете мати глядати і зраховати в цїлім часописї блайвасы, котры про вас до актуалного чісла нашого часопису намалёвала ілустраторка Колысочкы – Евка Ілковічова. Кідь собі добрї прочітаєте цїлый часопис, можете ся дізнати, кілько блайвасів наша ілустраторка намалёвала. Правилнуодповідь собі сконтролюйте з рїшінём на послїднїй сторінцї часопису. Тот, хто не нашов вшыткы блайвасы,няй ся верне назад на першу сторінку і іщі раз собі їх перерахує.

Kolysočka č. 7

KLIKNI NA OBÁLKU A ČÍTAJ:
STIAHNI TU:  Kolysočka č.7


Mapa skol rusinskeho jazyka

Агойтє, мілы нашы камаратя!

Сьме ту з нашым третім двойчіслом Колысочкы, в котрім ся можете забавити і дізнати дашто нове і інтересне.

В днешнїм чіслї будете мати глядати і зраховати в цїлім часописї лїтаючі пчолкы. Kідь собі добрї прочітаєте цїлый часопис, можете ся дізнати, чом суть пчолы така хосенна мушковина1. Правилну одповідь найдете на послїднїй сторінцї часопису. Tот, хто не нашов вшыткы пчолкы, верне ся назад на першу сторінку і іщі раз собі їх перерахує.

Kolysocka 5-6

KLIKNI NA OBÁLKU A ČÍTAJ:
STIAHNI TU:  Kolysocka č.5-6


Mapa skol rusinskeho jazyka

Агойтє, мілы нашы камаратя!

Сьме ту з нашым другым двойчіслом Колысочкы, в котрім ся можете забавити і дізнати дашто нове і інтересне.

В тім двойчіслї часопису будете, окрім іншого, глядати і раховати страчены черешенкы. Справну одповідь собі найдете на послїднїй сторінцї часопису. Тот, хто не на- шов вшыткы черешенї, ся верне назад на першу сторінку    і іщі раз собі їх перерахує. Таксамо нам напиште, ці у вашім садї у бабкы ці дїдка або у вас дома, кідь маєте сад, ростуть черешнї. А кідь сад не маєте, напиште нам даяку пригоду з черешнями, ці їх любите або ці любите лїзти  на стром черешнї.

Kolysocka 3-4

KLIKNI NA OBÁLKU A ČÍTAJ:
STIAHNI TU:  Kolysočka č.3-4


Mapa skol rusinskeho jazyka

Мілы нашы дїточкы матерьскых школ, молодшы і старшы школярї основных школ. Довольте мі пригваритися Вам в першім чіслї нашого нового часопису про Вас – в Колысочцї.

KLIKNI NA OBÁLKU ČASOPISU

KLIKNI NA OBÁLKU A ČÍTAJ:
STIAHNI TU:  Kolysočka č.1-2


Mapa skol rusinskeho jazyka

Zdieľajte a odporúčajte časopis vaším známym a priateľom

Ľuba KráľováRusínsky časopis