Вечернї школы
Вечернї школы літературного русиньского языка про дїти і дорослых ОЗ Колысочка – Kolíska были отворены од року 2013 до року 2022.
Вечернї школы літературного русиньского языка про дїти і дорослых (ВШРЯпро ДіД) были 10 років централнов актівітов ОЗ Колысочка – Kolíska протягом 10 років. Были реалізованы з фінанчнов підпоров Уряду влады СР (2013 – 2017) і Фонду на підпору културы народностных меншын (2018 – 2022). Наше здружіня взникло 11. 1. 2023, кедь было зареґістроване на Міністерстві внутрішнїх дїл СР, а в тім самі роцї сьме основали 7 вечернїх школ русиньского языка про дїти і дорослых. Нашы школы в тім роцї навщівлёвало 105 дїтей. Найвеце вечернїх школ сьме отворили в роцї 2015, в їх 3. рочнику і то было 30 вечернїх школ із 36 класами, в котрых учіло 35 учітелёк 10 місяцїв в школьскім роцї 2015/2016, котры одучіли втогды 376 дїтей і школярїв. Бо в тім роцї сьме зачали учіти русиньскый язык і в матерьскых школах.
За 10 років ся у ВШРЯпроДіД учіло русиньскый язык – 105 + 350 + 376 + 357 (333) + 354 (288) + 269 (277) + 262 (256) + 237 )200) + 169 (86) = довєдна = 2 853 (2645) дїтей в МШ ці школярїв на ОШ або дорослых молодых людей. В затворцї є кількость дїтей і школярїв в 2. півроку каждого школьского року. В вечернїх школах учіло 35 прекрасных учітелёк. Векшына дїтей і школярїв ходила до нашых вечернїх школ 2 аж 3 або 3 аж 4 рокы.
Дякіємє вшыткым родічам тых дїтей, котры могли ходити до нашых вчернїх школ русиньского языка на протягу споминаных 10 років, но передовшыткым дякуєме вшыткым нашым прекрасным учітелькам, же тілько дїтей учіли наш прекрасный материньскый русиньскый язык і же то з нами дакотры вытримали цїлых 10 років або дакотры і менше. Вшыткы учітелькы были про нас рївнак цїнны. Бо барз любили свою роботу з дїточками або молодыма дорослыма людме, бо барз любили главнї своїх школярїв на ОШ ці дїти в МШ.
Пряшів, 2022
Люба Кралёва
