Публікації
Вшытко зачало нашыма вечернїма школами літературного русиньского языка про дїти і дорослых в роцї 2013. Зістили сьме, же учітелькы не мають з чого учіти русинськый язык. Зато сьме выдали як дідактічный помічинк про учітелькы русиньского языка і їх дїточкы в матерьскых школах ці школярїв на першім ступнї основных школ нашу першу книжку: Русиньскый язык про найменшых. Потім нам хыбив робочій зошыт ід тій книжцї – про самы дїточкы, жебы собі до нёго могли малёвати, бавити гры з учітельками, співати нашы співанкы, бісїдовати вычітанкы, учіти ся римовати по русиньскы. Но хотїли сьме обогатити педаґоґічну літературу і про учітелькы основных школ і так сьме зачали выдавати белетрію про русиньскы дїти, прозу і поезію.